Almaniya Ukraynaya dəstək məsələlərində müttəfiqləri ilə hərəkət edəcək

Almaniya Ukraynaya dəstək məsələlərində heç vaxt təkbaşına hərəkət etməyəcək, diqqətini müttəfiqlərinə yönəldəcək.

“Report” xəbər verir ki, bunu Almaniya kansleri Olaf Şolts bəyan edib.

Kansler bildirib ki, Rusiyanın Ukraynaya hərbi müdaxiləsindən sonra rəsmi Berlin uzun onilliklər ərzində mövcud olan böhranlı ərazilərə silah vermək siyasətindən imtina edib.

“Ukraynaya dəstək vermək lazımdır. Biz heç vaxt Ukraynaya dəstək məsələlərində təkbaşına hərəkət etməyəcəyik, həmişə müttəfiqlərimizin etdiklərini rəhbər tutacağıq”.

Onun sözlərinə görə, Almaniya Kiyevi tank əleyhinə silahlar, döyüş sursatları və hava hücumundan müdafiə sistemləri ilə təmin edib.