Almaniya Aİ-nin tərkibinin genişlənməsini dəstəkləyəcək

Avropa İttifaqına sədrliyi dövründə Almaniya Balkan ölkələrinin Aİ-yə daxil olmasını dəstəkləyəcək.

“Report” “RİA Novosti”yə istinadən xəbər verir ki, bu barədə Almaniyanın xarici işlər naziri Hayko Maas Varşavada polşalı həmkarı Yatsek Çaputoviç ilə görüşdən sonra bildirib.

"Aİ olaraq genişlənmə siyasətimizi davam etdirməli olduğumuzla bağlı fikirlə razıyıq. Çərçivə müəyyənləşdirmək, Şimali Makedoniya və Albaniya ilə konfrans təşkil etmək istəyirik”, - H.Maas deyib.

Öz növbəsində, Y.Çaputoviç Almaniyanın Aİ-dəki prioritetlərini dəstəklədiyini söyləyib.