Albaniyanın keçmiş prezidenti vəfat edib

Albaniyanın keçmiş prezidenti Buyar Nişani Almaniyada klinikalardan birində 56 yaşında vəfat edib.

"Report" xəbər verir ki, bu barədə Şimali Makedoniyanın "21.TV" portalı məlumat yayıb.

Onun sözlərinə görə, bir neçə həftə əvvəl Nişani ağır vəziyyətdə Almaniyadakı klinik xəstəxanalardan birinə yerləşdirilib. Keçmiş dövlət başçısının hansı xəstəlikdən öldüyü barədə məlumat verilmir.

Buyar Nişani 2012-2017-ci illərdə Albaniyanın prezidenti olub. Buna qədər isə müxtəlif dövrlərdə siyasətçi daxili işlər və ədliyyə nazirliklərinə rəhbərlik edib.