Yuxarı
    Bağlamaq

    ​"AirAsia" aviaşirkətinin qəzaya uğramış təyyarəsinin 4 iri hissəsi tapılıb

    Tapılan təyyarə hissəsinin ən böyüyünün uzunluğu 18, eni isə 5,4 metrdir

    Bakı. 3 yanvar. REPORT.AZ/ Xilasedicilər "AirAsia" aviaşirkətinə məxsus təyyarənin qəzaya uğradığı ərazidə 4 iri hissə aşkar ediblər.

    "Report" xəbər verir ki, bu barədə İndoneziyanın Axtarış və Xilasetmə Agentliyinin rəhbəri Bambanq Soelistiyə istinadən İTAR TASS məlumat yayıb.

    Tapılan təyyarə hissəsinin ən böyüyünün uzunluğu 18, eni isə 5,4 metrdir. Onlar dənizin təqribən 30 metr dərinliyində aşkar edilib.

    "Qara qutu"nu tapmaq hələ ki, mümkün olmayıb. Hazırda pis hava şəraiti xilasedicilərin işini çətinləşdirir.

    "AirAsia"ya məxsus sərnişin təyyarəsi Surabay (İndoneziya) - Sinqapur reysi ilə hərəkət edib və dekabrın 28-i səhər saatlarında radarlardan itib. Dekabrın 30-da Borneo adasının sahillərində hava gəmisinin ilk qalıqları tapılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi