Serbiya və Kosovo arasında gələcək fəaliyyətlər müzakirə ediləcək

Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrell Serbiya Prezidenti Aleksandr Vuçiçi və Kosovonun Baş naziri Albin Kurtini avqustun 18-də Brüsselə səfərə dəvət edib.

“Report” xəbər verir ki, bu barədə J.Borrell tviter səhifəsində yazıb.

“Mən Serbiya Prezidenti Aleksandr Vuçiçi və Kosovonun Baş naziri Albin Kurtini avqustun 18-də Priştina və Belqrad arasında gələcək fəaliyyətləri müzakirə etmək üçün Brüsselə dəvət edirəm”, - paylaşımda deyilir.