Aİ Rusiyanın Milli Hesablaşma Depozitarisinə qarşı sanksiya tətbiq edib

Avropa İttifaqı (Aİ) Rusiyaya qarşı altıncı sanksiyalar paketinə qiymətli kağızlara, o cümlədən Rusiyanın dövlət borclarına xidmət üçün istifadə edilən Rusiyanın Milli Hesablaşma Depozitarisini (MHD) və daha 17 hüquqi şəxsi daxil edib.

“Report” TASS-a istinadən xəbər verir ki, sənədin tam mətni Aİ-nin rəsmi jurnalında dərc olunub.

MHD Rusiyanın qeyri-bank təşkilatı və Rusiyanın mərkəzi depozitarisidir, onun 99,99%-i Moskva Birjasına məxsusdur və MHD onun hesablaşma depozitarisidir.

Siyahıya həmçinin “Oboronenerqo”, “Voentelekom”, “Voentorq”, “Kamaz”, UAZ, “Tatneft-Neftexim” və “Remdizel” də daxildir.