Aİ ölkələri Rusiyadan nüvə yanacağı idxalını dayandırmağı təklif edir

Avropa İttifaqının (Aİ) bir neçə ölkəsi Rusiyadan nüvə yanacağı idxalını dayandırmağı, Rusiya xəbər telekanallarına qadağa qoymağı, rusiyalılara vizaların verilməsini dayandırmağı və “Kremllə əlaqəli” olduğu güman edilən şəxslərə və şirkətlərə qarşı yeni sanksiyalar tətbiq etməyi təklif edir.

“Report” xəbər verir ki, bu barədə “Reuters” agentliyi mənbələrinə istinadən məlumat yayıb.

Qeyd olunub ki, Avropa Komissiyası hazırda Rusiya neftindən imtinanın dəyərini azaltmaq, Almaniya və bir sıra digər “müqavimət göstərən” ölkələri bu addımı atmağa inandırmaq üçün alternativ enerji mənbələrinin əlçatanlığını artırmağa çalışır.