Bakı. 2 noyabr. REPORT.AZ/ Ağ Ev Özbəkistanı vətəndaşlarının ABŞ-a girişinə məhdudiyyət qoya bilər.
"Report" "TASS"a istinadən xəbər verir ki, bu barədə brifinqdə jurnalistlərin suallarını cavablandıran Ağ Evin mətbuat katibi Sara Sanders deyib.
"Biz bunu nəzərdən keçirməliyik. Bunu istisna etmirik", - deyə mətbuat katibi bildirib.
Qeyd edək ki, noyabrın 1-də Nyu-Yorkda sürücünün yük maşınını piyadaların üzərinə sürməsi nəticəsində 8 nəfər ölüb, 12-dən çox insan yaralanıb. Saxlanılan şəxs Florida ştatında yaşayan Özbəkistan vətəndaşı Sayfullo Saipovdur.
Hakimiyyət dairələri onun qəsdən bu əmələ əl atdığını hesab edirlər və bunu terror aktı adlandırırlar.