Ağ Ev: “ABŞ-ın Rusiyanın nüvə silahından istifadəsinə cavabı miqyasdan asılı olmayacaq”

“Rusiyanın Ukraynada nüvə silahından istifadə etməsi halında ABŞ-ın cavabı onun hansı miqyasda olacağından asılı olmayacaq”.

“Report” xəbər verir ki, bu barədə ABŞ Prezidentinin Milli Təhlükəsizlik məsələləri üzrə müşaviri Ceyk Sallivan bildirib.

Onun sözlərinə görə, ABŞ Ukraynadakı döyüş meydanında nüvə silahından istifadənin qiymətləndirilməsində qradasiyalar etmək niyyətində deyil, hətta bu, taktiki xarakter daşısa belə.