Afinanın mərkəzində atışma zamanı bir nəfər ölüb

Bakı. 13 dekabr. REPORT.AZ/ Yunanıstanın paytaxtı Afinanın mərkəzi küçələrindən birində yerləşən kafe yaxınlığında, ilkin məlumatlara görə, bir nəfərin ölümü ilə nəticələnən silahlı insident baş verib.

“Report” xəbər verir ki, ölən şəxsin Albaniya vətəndaşı olduğu ehtimal edilir.

Hüquq-mühafizə orqanları əməkdaşlarının rəyinə görə, atışma kriminal mübahisə nəticəsində olub.

Bundan əvvəl isə Fransanın Strasburq şəhərində atışma nəticəsində 3 nəfər həyatını itirib.