ABŞ Vyanada danışıqların bərpası ilə bağlı İrandan təklif almayıb

“Tehranın nüvə razılaşması ilə bağlı danışıqlara tam olaraq nə vaxt qayıdacağı ilə bağlı ABŞ səlahiyyətliləri hələ də İrandan heç bir məlumat almayıb”.

“Report” xəbər verir ki, bunu ABŞ Dövlət Departamentinin sözçüsü Ned Prays deyib.

Əlbəttə ki, xarici işlər nazirinin İranın danışıqlar masasına qayıdacağı ilə bağlı bəyanatlarını gördük. Onlardan (İran hakimiyyətindən - Red) “tezliklə” və “çox tezliklə” sözlərinin mənalarını soruşmalısınız. Bütün həftə eşitdiyimiz mesaj budur. Ancaq bu günə qədər bunun tam olaraq nə demək olduğunu aydınlaşdıra bilməmişik. Öz tərəfimizdən Vyanaya qayıtmağa hazırıq”, Ned Prays bildirib.