ABŞ və Ukraynanın müdafiə nazirləri hərbi əlaqələri müzakirə ediblər

Bakı. 3 fevral. REPORT.AZ/ Vaşinqtonda Pentaqon rəhbəri Ceyms Mettislə Ukraynanın müdafiə naziri Stepan Poltorak arasında görüş olub.

"Report" xəbər verir ki, bu barədə Pentaqonun rəsmi nümayəndəsi Dana Uayt "Twitter"də yazıb.

"Mettis Ukraynanın müdafiə naziri Stepan Poltorakla hərbi əlaqələri müzakirə ediblər", - deyə o bildirib.

Qeyd edək ki, ötən ilin dekabrında ABŞ və Kanada Ukraynaya bir sıra, o cümlədən letal silahların satışı barədə qərar qəbul ediblər. Pentaqon daha sonra bildirib ki, Ukraynada Amerika hərbi təlimatçılarının sayı və rolu artmayacaq.