ABŞ Suriyanın şimalında yeni hərbi baza yaratmayacaq

ABŞ Ordusu Suriyanın şimalında yeni baza yaratmır və kürd birləşmələri ilə patrul etməyi planlaşdırmır.

“Report” TASS-a istinadən xəbər verir ki, bu barədə jurnalistlər üçün keçirdiyi ənənəvi brifinqdə Pentaqonun mətbuat katibinin müavini Sabrina Sinq bildirib.

"ABŞ Kobani ərazisində heç bir baza və ya daimi struktur yaratmır", o deyib.

Ötən həftə “Al Hadath” telekanalı “Suriya Demokratik Qüvvələri”ndəki mənbələrə istinadən xəbər verib ki, ABŞ və Qərb koalisiyasının Suriyada yeni hərbi bazası Fərat çayının şərq sahilində Ayn-əl-Ərəb şəhəri (Kobani) yaxınlığında yaradılır.