ABŞ Şimali Koreyanı təhlükəsizlik üçün ən böyük təhlükə adlandırıb

Bakı. 13 iyun. REPORT.AZ/ Pentaqon hesab edir ki, Koreya Xalq Demokratik Respublikası dünyada təhlükəsizlik üçün ən böyük təhlükədir.

"Report" TASS-a istinadən xəbər verir ki, bunu Pentaqon rəhbəri Cim Mettis ABŞ Konqresinin Nümayəndələr Palatasının Silahlı Qüvvələrlə iş üzrə Komitəsinin dinləmələrində çıxışı zamanı deyib.

Mettisin sözlərinə görə, Şimali Koreyanın nüvə və raket proqramları beynəlxalq ictimaiyyət üçün təhlükə kəsb edir.