ABŞ rusiyalı hakerlər haqqında məlumat qarşılığında 10 milyon dollar təklif edir

ABŞ Dövlət Departamenti 2017-ci ildə “NotPetya” virusundan istifadə etməklə kiberhücum həyata keçirməkdə ittiham edilən Rusiya kəşfiyyatının 6 əməkdaşı haqqında məlumat təqdim edilməsi qarşılığında 10 milyon dollarınadək mükafat elan edib.

Bu barədə “Report” Dövlət Departamentinin bəyanatına istinadən xəbər verir.

Mükafat “Sandworm Team”, “Telebots”, “Voodoo Bear” və “Iron Viking” haker qruplaşmalarının üzvü olan 6 rusiyalı hakerin şəxsiyyətini və ya olduğu yeri müəyyənləşdirməyə imkan verən məlumata görə ayrılıb.