ABŞ rəhbərliyi Kuba ilə bağlı siyasətinə yenidən baxır

“İndi Kuba ilə bağlı siyasətimizi yenidən nəzərdən keçiririk. Təxminən altı aydır hakimiyyətdəyik. Çox işimiz vardı”.

“Report” xəbər verir ki, bunu ABŞ-ın dövlət katibi Entoni Blinken bildirib.

Onun sözlərinə görə, bu dövr ərzində Vaşinqton rəhbərliyi tərəfdaşları və müttəfiqləri ilə əlaqələrini bərpa etmək üzərində işləyib.

“Bütün siyasətimiz demokratiya və insan haqlarına söykənəcək. Kuba xalqına öz gələcəyini təyin etmək imkanı vermək üçün əlimizdən gələni etdiyimizə əmin olmaq istəyirik”.