ABŞ prezidentinin xanımı Ağ Evin nümayəndəsinin işindən narahatdır

Bakı. 21 may. REPORT.AZ/ ABŞ prezidenti Donald Trampın xanımı Melanya Tramp Ağ Evin rəsmi nümayəndəsi Şon Spayserin öz işinin öhdəsindən gələ bilməməsindən narahatdır.

"Report"un məlumatına görə, bu barədə "Politico" xanım Trampla mütəmadi təmasda olan xarici müşavirə istinadən xəbər verib.

"O, çox narahatdır ki, Spayser işinin öhdəsindən gələ bilmir. Spayser prezidentini qorunması üçün səy göstərmir" – deyə müşavir bildirib.

Onun sözlərinə görə, Melanya "sapmalardan" narahatdır. ABŞ-ın birinci xanımı hesab edir ki, administrasiyada bir çox insanlar onunla maraqlanırlar, nəinki Trampla.