ABŞ konqresmeni: "Suriyaya yenidən aviazərbələrin endiriləcəyi istisna olunmur"

Bakı. 18 aprel. REPORT.AZ/ "Əgər kimyəvi silahın tətbiqi ilə əlaqədar hadisə təkrarlanarsa, ABŞ Suriyaya yenidən aviazərbə endirə bilər". 

"Report" "RİA Novosti"yə istinadən xəbər verir ki, bunu ABŞ-ın Nümayəndələr Palatasının Xarici Əlaqələr Komitəsinin sədri Ed Roys bildirib.

O qeyd edib ki, ABŞ-ın Suriyaya son zərbəsi qanuni idi: "Ümid edirəm ki, Bəşşar Əsəd bu siqnalları anladı. Əks halda, yeni aviazərbələr endirilə bilər".