ABŞ Konqresində yüzlərlə nümayişçi saxlanılıb

Bakı. 5 oktyabr. REPORT.AZ/ ABŞ-ın hüquq-mühafizə orqanlarının əməkdaşları Konqresin iki ofis binasında 302 etirazçını saxlayıb.

"Report" TASS-a istinadən xəbər verir ki, bu barədə Kapitoli polisinin mətbuat xidmətinin rəhbəri Evu Maleçki bildirib.

O, qeyd edib ki, yerli vaxtla saat 15:30-da Senatın ofis binasında 293 nəfər qanunsuz nümayiş keçirdiyinə görə saxlanılıb. Maleçkinin sözlərinə görə, daha sonra Senatın digər ofis binasının 4-cü mərtəbəsində daha 9 nəfər saxlanılıb.

O, bildirib ki, saxlanılanlar arasında model Emili Ratakovski və aktrisa Emi Şumer də var. 

"Hazırda saxlanılanların sayının çox olmasına görə onların adlarını təsdiq edə bilmərik", - deyə mətbuat xidmətindən bildirilib.

KİV-in məlumatına görə, nümayiş iştirakçıları Bretta Kavanonun ABŞ Ali Məhkəməsinin hakimi vəzifəsinə təsdiq edilməsi mümkünlüyünə qarşı etiraz ediblər.