Yuxarı
    Bağlamaq

    ABŞ keçən il 7 ölkəyə 26 mindən çox bomba atıb

    Ekspertin yazdığına görə, ən çox - 12192 bomba Suriyaya atılıb

    Bakı. 7 yanvar. REPORT.AZ/ ABŞ 2016-cı il ərzində 7 ölkəyə 26171 bomba atıb.

    "Report" Rusiya KİV-inə istinadən xəbər verir ki, bu barədə xarici siyasət və milli təhlükəsizlik üzrə amerikalı mütəxəssis Miki Zenkonun Beyməlxalq Əlaqələr Şurasının saytında dərc edilən hesabatında deyilir.

    Ekspertin yazdığına görə, ən çox - 12192 bomba Suriyaya atılıb. Bundan başqa, ABŞ İraqda 12095, Əfqanıstanda 1337, Liviyada 496, Yəməndə 34, Somalidə 14, Pakistanda 3 dəfə bombadan istifadə edib.

    Hesabat müəllifinin sözlərinə görə, ABŞ 2015-ci ildə bundan 3027 az bomba atıb. Bundan başqa, həmin vaxt siyahıda Liviya olmayıb.

    M.Zenko qeyd edib ki, burada göstərilən rəqəmlər ən aşağı göstəricilərdir. Belə ki, bir zərbə zamanı bir neçə bomba atmaq mümkündür, üstəlik, yalnız Pakistan, Yəmən, Somali və Liviya ilə bağlı etibarlı məlumatlar var. Mütəxəssis Suriya, İraq və Əfqanıstan üzrə informasiyaları Pentaqonun hesabatlarından və internet arxivindən toplayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi