ABŞ-ın vitse-prezidenti Co Baydenin inauqurasiyasında iştirak edəcək

ABŞ-ın vitse-prezidenti Mayk Pens Co Baydenin inauqurasiyasında iştirak edəcək.

"Report" xəbər verir ki, bu barədə NBC telekanalı vitse-prezidentin qərarı ilə tanış olan mənbəyə istinadən məlumat yayıb.

Bayden ABŞ-ın vitse-prezidentini özünün inauqurasiyasına dəvət etməyib. Məlumata görə, Mayk Pens buna baxmayaraq inauqurasiyada iştirak edəcək.

Qeyd edək ki, Birləşmiş Ştatların hazırkı rəhbəri Donald Tramp mərasimə qatılmayacaq. Öz növbəsində Bayden Trampın qərarına "Bu yaxşıdır", - cavabını verib.

Co Baydenin inauqurasiyası yanvarın 20-də keçiriləcək.