ABŞ-ın Çindəki diplomatik nümayəndəliyi viza verilməsini dayandırır

ABŞ-ın Çindəki səfirliyi və baş konsulluqları yeni növ koronavirusunun (2019-nCoV) yayılması ilə əlaqədar fevralın 10-dan etibarən viza verilməsi üzrə xidmətlərini dayandıracaq.

“Report” TASS-a istinadən xəbər verir ki, bu barədə Dövlət Departamentinin açıqlamasında bildirilir.

Qeyd olunur ki, koronavirusla əlaqədar vəziyyətə görə, ABŞ səfirliyi və baş konsulluqlarında çox məhdud personal işləyir, bu səbəbdən onlar viza xidmətləri ilə bağlı müraciətlərə cavab vermək iqtidarında deyillər.

Eyni zamanda, diplomatlar təcili hallarda yardım göstərməyə hazır olacaqlar.