ABŞ hərbçiləri Somalidə "Əş Şabab" terrorçularına hücum edib

Bakı. 3 iyul. REPORT.AZ/ ABŞ hərbçiləri Somalidə "Əş Şabab" terrorçularına hücum edib.

"Report" xəbər verir ki, bu barədə "Reuters" gizli mənbəyə istinadən xəbər verib.

Mənbə hərbi əməliyyatın təfərrüatlarını açıqlamaqdan imtina edib. Pentaqon isə terrorçulara qarşı hücumu şərh etməyib.

Qeyd edək ki, bir qədər əvvəl Moqadişoda "Pizza House" restoranının müştərilərinin bu terrorçu qruplaşması üzvləri tərəfindən girov götürdüyü xəbər verilib.

"Əş Şabab" 2012-ci ildə "Əl Qaidə" terror qruplaşması ilə birləşib.