ABŞ-da tornadolar nəticəsində 600 nəfər xəsarət alıb

ABŞ-ın Arkanzas ştatında ən azı iki tornado 600 nəfərin xəsarət almasına səbəb olub.

“Report” xəbər verir ki, bu barədə “CBS” telekanalı məlumat yayıb.

Tornadolar ən çox Arkanzasın ən sıx şəhəri olan Litle-Rok şəhərinin və onun ətrafına ziyan vurub.

İlkin məlumata görə, təbii fəlakət nəticəsində bir nəfər ölüb, 24 yaralının vəziyyəti isə ağırdır.

Arkanzas qubernatoru Sara Sanders ştatda fövqəladə vəziyyət elan edib və təbii fəlakətin nəticələrinin aradan qaldırılması üçün Milli Qvardiyanın qüvvələrini səfərbər edib.

Tornado nəticəsində ştatda 70 mindən çox istehlakçı işıqsız qalıb.