ABŞ-da tibb bacısı 60 uşağın qətlində şübhəli bilinir

Digər ölkələr

27 may, 2017
00:55

ABŞ-da tibb bacısı 60 uşağın qətlində şübhəli bilinir

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 27 may. REPORT.AZ/ ABŞ-da Cenin Cons adlı keçmiş tibb bacısı azı 60 uşağın qətlində şübhəli bilinir.

"Report" xəbər verir ki, bu barədə yerli hökumət orqanlarına istinadən "Frans Press" məlumat yayıb.

Hazırda qadın Texas ştatının həbsxanasında 1984-cü ildə törədilmiş cinayətlərə görə iki müddətlik cəza çəkir. O, ölüm həddində əzələ relaksantı tətbiq etmək yolu ilə 15 aylıq uşağın həyatına bais olduğuna görə 99 il müddətinə azadlıqdan məhrum edilib. Tibb bacısı, həmçinin sağ qalmağa müvəffəq olmuş digər uşağa potensial ölümcül dozada qıcolma əleyhinə vasitə tətbiq edib.

Bundan əlavə, Consa qarşı ondan üç il əvvəl daha bir uşağın qətli ilə bağlı ittiham irəli sürülüb.