Bakı. 28 avqust. REPORT.AZ/ ABŞ-ın Corciya ştatında kiçik təyyarənin qəzaya uğraması nəticəsində üç nəfər həlak olub.
"Report" RİA "Novosti"yə istinadən xəbər verir ki, bu barədə WTOC portalı məlumat yayıb.
Qəza ştatın şərqində yerləşən Brayan dairəsində qeydə alınıb. Təyyarənin göyərtəsində pilot da daxil olmaqla üç nəfər olub.
Təyyarə Savanna şəhərindən Kobb dairəsinə uçurmuş. Qeyd olunur ki, hava gəmisi meşə ərazisinə düşüb. Bu səbəbdən xilasedicilər qəza yerinə getməkdə çətinlik çəkirlər.
Qəzadan əvvəl aviadispetçerlər təyyarə ilə əlaqəni itiriblər. Qəzanın səbəbləri hələ ki, məlum deyil.