ABŞ-da prezidentliyə namizəd təhdid edilir

ABŞ-ın BMT-dəki keçmiş daimi nümayəndəsi, Respublikaçılar Partiyasından ABŞ prezidentliyinə namizədliyini irəli sürən Nikki Heyli ona qarşı artan təhdidlər səbəbilə dövlətin yüksək vəzifəli şəxslərinin təhlükəsizliyinə cavabdeh olan ABŞ Məxfi Xidmətinə müraciət edib.

“Report” xəbər verir ki, bu barədə “The Wall Street Journal” məlumat yayıb.

Nəşr qeyd edib ki, Heyli təhlükəsizliklə bağlı xidmətə sorğu göndərdiyini təsdiqləyib.

“Bir çox təhdidlər var idi. Amma bu, məni etməli olduğum işi dayandırmağa vadar etməyəcək”. Lakin o, hadisələr haqqında ətraflı məlumat verməyib.

Heyli keçmiş Amerika lideri Donald Trampın Respublikaçılar Partiyasından ABŞ prezidentliyinə namizədliyi uğrunda mübarizədə əsas rəqibidir.