ABŞ-da pandemiya qurbanlarının sayı 10 mini ötdü

ABŞ-da koronavirusdan ölənlərin sayı artıb.

“Report” xəbər verir ki, bu barədə Con Hopkins Universiteti məlumat yayıb.

Bildirilib ki, ölkədə koronavirusdan ölənlərin sayı 10 335 nəfərə çatıb.

Bundan başqa, ABŞ-da 340 minə yaxın şəxs infeksiyanın daşıyıcısıdır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 208 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 1 300 000-i ötüb. 

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.