Bakı. 8 mart. REPORT.AZ/ Birləşmiş Ştatların Alabama ştatındakı məktəblərdən birində silahlı insident baş verib.
“Report” xəbər verir ki, hadisə Birmingemdə yerləşən "Huffman High School"da qeydə alınıb.
"BreakingNNow"nun məlumatına görə, nəticədə iki tələbə yaralanıb. "Ey-el" portalının məlumatına görə, onlardan biri xəstəxanaya aparılarkən yolda ölüb, digərinin vəziyyəti ağırdır.
Atışmanın "təsədüfi" olduğu iddia edilir.
Hüquq-mühafizə orqanları əməkdaşları atəşin açıldığı silahı tapıblar. Digər məlumatlar dəqiqləşdirilir.