ABŞ-da kollec atəşə tutulub, bir nəfər yaralanıb

Bakı. 3 noyabr. REPORT.AZ/ ABŞ-ın Hanover şəhərində Dartmut kollecində naməlum şəxsin açdığı atəş nəticəsində bir nəfər yaralanıb.

“Report” xarici KİV-ə istinadən xəbər verir ki, məlumatı yerli polis idarəsi də təsdiqləyib.

Bildirilib ki, hadisə noyabrın 3-də Bakı vaxtı ilə 06 radələrində baş verib. “Kollecin tələbəsi olmayan naməlum şəxsin açdığı atəş nəticəsində bir nəfər yaralanıb. O, kampusun müxtəlif hissələrinə atəç açıb”, - deyə məlumatda vurğulanıb.

Atəş açan şəxs hadisə yerindən qaçıb. Tələbələrə bir müddət kampusun həyətinə çıxmamaq tövsiyə edilib.

Qeyd edək ki, ötən gecə Florida ştatında bir kişi yoqa studiyasına atəş açıb.