ABŞ-ın Texas ştatında atışma olub.
“Report” TASS-a istinadən xəbər verir ki, bu barədə yerli təcili yardım xidməti özünün “Twitter”dəki səhifəsində bildirib.
Qeyd edilir ki, hadisə Ostin şəhərində baş verib. Atışma zamanı azı 5 nəfər xəsarət alıb.
Yaralılar xəstəxanaya çatdırılıb. Məlumata görə, onlar arasında uşaq yoxdur. Zərərçəkənlərin xəsarətləri ağır qiymətlənidirilir.
Hadisə yerində təhqiqat aparılır.
Qeyd edək ki, bu, ABŞ-da ikinci silahlı insidentdir. Daha bir hadisə Minnesot ştatının Minneapolis şəhərində qeydə alınıb.