ABŞ-da atışma zamanı 8 nəfər yaralanıb

ABŞ-ın Vaşinqton ştatının Takoma şəhərində əyləncə məclisində baş verən atışma nəticəsində azı 8 nəfər yaralanıb.

Bu barədə “Report” CNN-ə istinadən xəbər verir.

Məlumata görə, hadisə məclisin keçirildiyi yerin yaxınlığında baş verən mübahisədən sonra olub.

Yaralıların xəstəxanaya çatdırılıb. “ABC News”un məlumatına görə, yaralıların həyatı üçün təhlükə yoxdur.

Polis hadisə ilə bağlı hər hansı şübhəli şəxsin saxlanılması barədə məlumat verməyib.