ABŞ-ın Alabama ştatında 1-i hamilə qadın olmaqla 5 nəfər qətlə yetirilib

Bakı. 21 avqust. REPORT.AZ/ ABŞ-da 1-i hamilə qadın olmaqla 5 nəfər qətlə yetirilib.

"Report"un məlumatına görə, bu barədə "Alabama.com" internet nəşri polisə istinadən xəbər yayıb.

Məlumata görə, hadisə Alabama ştatının Mobil qraflığında baş verib.

Yerli media şübhəli şəxsin Qrin qraflığında saxlanılması haqda xəbər yayıb.

Cinayətin motivi barədə heç bir məlumat verilmir.

Təhqiqatçılar hadisə yerində araşdırma aparır.