Gürcüstanın azərbaycanlılar yaşayan kəndinin su problemi həll olunur

Gürcüstanın Bolnisi rayonunun azərbaycanlılar yaşayan Kvemo Bolnisi (Kəpənəkçi) kəndinin içməli su təminatı yaxşılaşdırılır.

“Report”un yerli bürosu xəbər verir ki, kənddə supaylayıcı şəbəkənin bərpası və yenilənməsi ilə bağlı tender elan olunub.

Tenderdə iştirak etmək istəyən şirkətlərin müraciətləri sentyabrın 11-dək qəbul ediləcək. Layihənin dəyəri 200 min laridir. İşlərə müqavilə imzalanandan sonra üç ay ərzində yekun vurulmalıdır.

Kvemo Bolnisi kəndi hazırda gün ərzində 6-7 saat müddətinə su ilə təmin olunur. Su infrastrukturunun yenilənməsi layihəsindən 3 500-ə yaxın yerli sakin yararlanacaq, suyun keyfiyyəti və verilmə qrafiki yaxşılaşdırılacaq.