Floridada Zəfər Günü və Dövlət Bayrağı Günü münasibətilə avtomobil paradı təşkil olunub

ABŞ-nin Florida ştatının Mayami şəhərində 8 Noyabr – Zəfər Günü və 9 Noyabr – Dövlət Bayrağı Günü münasibətilə avtomobil paradı təşkil olunub.

“Report”un ABŞ bürosu xəbər verir ki, parad Azərbaycan – Amerika Gənclər Təşkilatının təşkilatçılğı ilə keçirilib.

Qurumun sədri Nabat Eminova bildirib ki, paradda Azərbaycan bayraqları ilə bəzədilmiş avtomobillər şəhərin mərkəzi küçə və meydanlarında hərəkət edib.

Parad yerli sakinlər tərəfindən maraqla qarşılanıb. Onlar azərbaycanlı gənclərdən ölkəmiz haqqında məlumat alıblar.