Azərbaycanın diaspor nümayəndələri Cıdır düzündə olublar

Azərbaycanın diaspor nümayəndələri Şuşada Cıdır düzündə olublar.

“Report”un Şuşaya ezam olunan əməkdaşı xəbər verir ki, onlar Cıdır düzündə qoyulan "Xarı Bülbül" və digər eskizləri seyr edib, xatirə şəkli çəkdiriblər.

Qeyd edək ki, xaricdə yaşayan soydaşlarımızın Azərbaycanın mədəniyyət paytaxtına səfərini Diasporla İş üzrə Dövlət Komitəsi təşkil edib.

“Biz dəmir yumruğun gücü ilə Şuşadayıq” şüarı altında reallaşan səfər Azərbaycan diaspor tarixinin ən mühüm tədbirlərindən biridir.

Səfərdə 24 ölkədən 72 soydaşımız iştirak edir.