Yuxarı
    Bağlamaq

    Moskva məhkəməsi Azərbaycan diasporunun rəhbəri Qalib Ağayevin ev dustaqlığının müddətini uzadıb

    MV ARMMM Rusiya dünyası Fonduna hesabat üzrə qalan 280 min rublu ödəyib
    © Courtesy İmage

    Moskva. 3 aprel. REPORT.AZ/ Moskvanın Xoroşevski məhkəməsi Moskva vilayəti üzrə Azərbaycanlıların Regional Milli-Mədəni Muxtariyyətinin (MV ARMMM) rəhbəri Qalib Ağayevin ev dustaqlığının müddətini aprelin 16-dək uzadıb.

    Bu barədə "Report"un Rusiya bürosuna MV ARMMM-dən bildiriblər.

    MV ARMMM nümayəndəsinin dediyinə görə, ərizəçi "Rusiya dünyası" Fondu ilə razılaşmaya əsasən, MV ARMMM Fonda hesabat üzrə qalan 280 min rublu ödəyib. Bu barədə məlumat istintaq orqanlarına təqdim olunub. İstintaq sonuna qədər MV ARMMM rəhbəri ev dustağı kimi qalacaq.

    Xatırladaq ki, fevralın 21-də Qalib Ağayev "Rusiya dünyası" Fondunun müraciəti əsasında Moskva Şimal-Qərb dairəsi İstintaq Komitəsinin əməkdaşları və polis tərəfindən həbs edilərək paytaxtın Xoroşevski məhkəməsinə aparılıb. Məhkəmə Qalib Ağayevin martın 16-dək ev dustaqlığında qalacağı ilə bağlı hökm çıxarıb. Hazırda Qalib Ağayev evindədir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi