Yuxarı
    Bağlamaq

    Şimali İrlandiya millisi Bakıya səfər öncəsi yoldaşlıq görüşündə qalib gəlib - VİDEO

    Yeni Zelandiyanın qapısından yeganə topu millinin debütantı keçirib

    Bakı. 3 iyun. REPORT.AZ/ Futbol üzrə Şimali İrlandiya milli komandası iyunun 10-da Bakıda Azərbaycan yığması ilə keçirəcəyi 2018-ci il dünya çempionatının seçmə qrup matçı ərəfəsində yoldaşlıq görüşünə çıxıb. "Report"un məlumatına görə, rəqib Konfederasiyalar Kubokuna hazırlaşan Yeni Zelandiya olub.

    Belfastdakı "Windsor Park"da təşkil olunmuş qarşılaşma meydan sahiblərinin qələbəsi ilə yekunlaşıb. Yeganə qolu 6-cı dəqiqədə Liam Boys vurub. Konor Vaşinqtonun toy, Ceymi Uordun zədə ilə əlaqədar oyunu buraxdığı, klubsuz Kayl Laffertinin isə ehtiyatda qaldığı görüşdə Boys ilk dəqiqələrdən hücum xəttində yer alıb. Yığmada ilk qolunu vuran forvard 46-cı dəqiqədə yerini Laffertiyə verib. Baş məşqçi Maykl O`Nil oyun boyunca daha 5 futbolçu əvəzləməsinə əl atıb.

    Qeyd edək ki, bu gün Şimali İrlandiya millisi Türkiyəyə təlim-məşq toplanışına yollanacaq. Dörd günlük hazırlıq prosesinin ardından britaniyalılar Bakıya səfər edəcəklər. Tofiq Bəhramov adına Respublika stadionunda keçiriləcək qarşılaşma saat 20:00-da başlanacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi