Rahid Əmirquliyev: “Sevindirici haldır ki, tribunalar tam dolacaq”

Bakı. 25 mart. REPORT.AZ/ "Bizi çox ağır oyun gözləyir. Amma biz də yaxşı hazırlaşmışıq. Əlimizdən gələni edəcəyik ki, öz oyunumuzu sərgiləyək".

"Report"un məlumatına görə, bunu Azərbaycan milli komandasının futbolçusu Rahid Əmirquliyev Almaniya yığması ilə oyun öncəsi mətbuat konfransında deyib.

Təcrübəli yarımmüdafiəçi bildirib ki, dolu tribunalar qarşısında oynamaq Almaniya üçün adi haldırsa, Azərbaycan üçün böyük stimuldur:

"Onlar bizim 12-ci oyunçumuzdurlar. Sevindirici haldır ki, tribunalar tam dolacaq".