Yuxarı
    Bağlamaq

    Azərbaycanın futzal millisi Albaniya yığmasına böyük hesabla qalib gəlib

    Komanda 6 xalla vahid liderə çevrilib

    Bakı. 9 aprel. REPORT.AZ/ Futzal üzrə Avropa çempionatının Bakıda keçirilən əsas seçmə mərhələsinin "B" qrupunda bu gün 2-ci turun qarşılaşmaları oynanılıb.

    "Report"un məlumatına görə, Azərbaycan milli komandası Albaniya yığması ilə üz-üzə gəlib.

    Görüş meydan sahiblərinin böyükhesablı qələbəsi ilə yekunlaşıb - 5:0. Bununla da ardıcıl ikinci qələbəsini qazanan Biro Jadenin baş məşqçisi olduğu komanda 6 xalla vahid liderə çevrilib. Azərbaycan millisi ilk turda da Bosniya və Herseqovinanın qapısından 5 top keçirmişdi - 5:4.

    Qrupda 2-ci turun digər oyununda Macarıstan Bosniya və Herseqovinaya qalib gələ bilməyib - 2:2. Bu isə o deməkdir ki, aprelin 11-də Macarıstanla qarşılaşmada Azərbaycan yığmasını heç-heçə də qane edəcək. Bu halda meydan sahibləri qrup qalibi kimi birbaşa 2018-ci ildə Sloveniyada keçiriləcək Avropa çempionatının final mərhələsinə yüksələcəklər.

    Avropa çempionatı, əsas seçmə mərhələ

    "B" Qrupu

    18:30. Azərbaycan - Albaniya - 5:0

    Qol: Everton Kardozo, 3. Eduardo, 26. Vassura, 27. Namiq Məmmədkərimov, 35. Xətai Bağırov, 36

    Hakimlər: Kostas Nikolau (Kipr), Timo Onatsu (Finlandiya), Borislav Kolev (Bolqarıstan), Ramil Namazov (Azərbaycan)

    16:00. Bosniya və Herseqovina - Macarıstan - 2:2

    Qeyd edək ki, "B" qrupunun oyunları Bakı İdman Sarayında keçirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi