Yuxarı
    Bağlamaq

    2018-ci il dünya çempionatının püşkatma mərasiminin aparıcıları müəyyənləşib

    Tədbir ingiltərəli veteran futbolçu ilə rusiyalı teleaparıcıya həvalə olunub

    Bakı. 17 noyabr. REPORT.AZ/ Rusiyada keçiriləcək futbol üzrə 2018-ci il dünya çempionatının püşkatma mərasiminin aparıcıları müəyyənləşib.

    “Report” FİFA-nın rəsmi saytına istinadən xəbər verir ki, dekabrın 1-də Moskvadakı Kreml sarayında təşkil olunacaq tədbir ingiltərəli veteran futbolçu və ekspert Hari Linekerlə rusiyalı teleaparıcı Mariya Komandnayaya həvalə olunub.

    Qeyd edək ki, dünya çempionatında iştirak etmək hüququ qazanan 32 ölkə 4 səbətə bölünüb. Birinci səbətdə Rusiya, Almaniya, Braziliya, Portuqaliya, Argentina, Belçika, Polşa, Fransa, ikincidə İspaniya, Peru, İsveçrə, İngiltərə, Kolumbiya, Xorvatiya, Meksika, Uruqvay, üçüncüdə Danimarka, İsveç, İslandiya, Kosta-Rika, Tunis, Misir, Seneqal, İran, dördüncü səbətdə isə Serbiya, Nigeriya, Yaponiya, Mərakeş, Panama, Cənubi Koreya, Səudiyyə Ərəbistanı və Avstraliya yer alıb.

    Mundialın oyunları 14 iyun – 15 iyulda Rusiyanın 11 şəhərində keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi