Xocavənd sakini: Burada arzuladığım həyatı indi nəvələrim yaşayacaq

Bu gün doğma yurdu Xocavənd şəhərinə qayıdan Ulduz Balakişiyeva burada arzuladığı həyatı indi nəvələrinin yaşayacağını deyib.

Sakin bu barədə "Report"un Xocavəndə ezam olunan əməkdaşına açqılamasında bəhs edib.

"Xocavənd işğal olunanda 23 yaşım varı idi. Olduqca çətin bir dönəmdən keçdik. Hər günümüz həyəcan və ölüm qoxusu ilə keçirdi. Hələ uşaq yaşlarımdan doğma Xocavəndimizdə karyera planlarım var idi. Amma müharibə bütün arzularımı məhv etdi. Uzun aradan sonra doğma yurdumuza qovuşduq. 3 övladım və 3 nəvəmlə geri döndüm. Çalışacam ki, mənim uşaqlıqda arzuladığım həyatı indi nəvələrim yaşasınlar", - deyə o bildirib.