Seçicilərin 40 faizindən çoxu bildirişlərlə təmin olunub.
"Report" xəbər verir ki, bununla bağlı Mərkəzi Seçki Komissiyasının (MSK) avqustun 22-də keçirilən iclasında MSK sədrinin müavini Rövzət Qasımov deyib.
O bildirib ki, bildirişlərin paylanılması prosesi davam etdirilir.
Qeyd edək ki, qanunvericiliyə əsasən səsvermənin keçirilmə tarixi, vaxtı və yeri (seçki məntəqəsinin ünvanı) barədə bildirişlərin seçicilərə paylanması məntəqə seçki komissiyaları tərəfindən səsvermə gününə 7 gün qalanadək həyata keçirilməlidir.
“Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı”da bu tarix 2024-cü il avqustun 25-dək nəzərdə tutulub.