Səsvermə protokollarının məntəqə seçki komissiyasına verilməsi üçün ayrılan vaxt başa çatıb

Səsvermə protokollarının dairə seçki komissiyasından (DSK) məntəqə seçki komissiyasına verilməsi üçün ayrılan vaxt başa çatıb.

“Report” xəbər verir ki, "Azərbaycan Respublikasında bələdiyyə seçkilərinin hazırlanıb keçirilməsi üzrə əsas hərəkət və tədbirlərin təqvim planı"na əsasən, səsvermə gününə ən azı 4 gün qalanadək səsvermə protokolları dairə seçki komissiyasından məntəqə seçki komissiyasına verilməlidir.

Xatırladaq ki, Azərbaycanda bələdiyyə seçkiləri dekabrın 23-də keçiriləcək. Respublika üzrə 1606 bələdiyyəyə 15 min 156 üzv seçiləcək. Sonuncu bələdiyyə seçkisi 2014-cü il dekabrın 23-də keçirilib.