Prezidentin köməkçisi: "Kifayət qədər resurslarımız var"

“Pandemiyanın başlaması dünya ölkələrinin əksəriyyətini borclanmaya gətirib çıxarıb”.

"Report" xəbər verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bu gün keçirilən brifinqində deyib.

Onun sözlərinə görə, Azərbaycan beynəlxalq borclanmaya getmir və bu, müsbət haldır:

“Bizim kifayət qədər resurslarımız var. Vətəndaşlar ödənişlər zamanı vergi güzəştlərindən faydalanırlar. Kommunal xərclər zamanı sui-istifadə hallarının olmaması üçün ölkəmiz bu modelə müraciət edib".