Prezident Xuraman Qasımovanı təltif etdi

Azərbaycan mədəniyyətinin inkişafında xüsusi xidmətlərinə və uzunmüddətli səmərəli fəaliyyətinə görə Xuraman Əkrəm qızı Qasımova “İstiqlal” ordeni ilə təltif edilib.

"Report"un xəbərinə görə, bununla bağlı Prezident İlham Əliyev sərəncam imzalayıb.

Qeyd edək ki, Azərbaycan opera müğənnisi (soprano), pedaqoq, Xalq artisti Xuraman Qasımova 6 iyun 1951-ci ildə Bakıda doğulub. Sabah onun 70 yaşı tamam olur.