Prezident İlham Əliyev Kürdəmirdə "ASAN xidmət"in layihələndirilməsi və tikintisi haqqında sərəncam imzalayıb

Prezident İlham Əliyev Kürdəmirdə "ASAN xidmət"in layihələndirilməsi və tikintisi haqqında sərəncam imzalayıb Nazirlər Kabinetinə sərəncamdan irəli gələn məsələləri həll etmək tapşırılıb
Daxili siyasət
24 Mart , 2018 18:13
Prezident İlham Əliyev Kürdəmirdə ASAN xidmətin layihələndirilməsi və tikintisi haqqında sərəncam imzalayıb

Bakı. 24 mart. REPORT.AZ/ Azərbaycan Respublikasının Prezidenti İlham Əliyev Kürdəmir rayonunda “ASAN xidmət” mərkəzinin layihələndirilməsi və tikintisi haqqında sərəncam imzalayıb.

"Report" xəbər verir ki, sərəncama əsasən Kürdəmir rayonunda “ASAN xidmət” mərkəzinin layihələndirilməsi və tikintisi məqsədilə Azərbaycan Respublikası Prezidentinin 2018-ci il 22 yanvar tarixli 3593 nömrəli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.52.4-cü yarımbəndində göstərilmiş məbləğin 5,0 (beş) milyon manatı Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə ayrılıb.

Azərbaycan Respublikasının Nazirlər Kabinetinə bu Sərəncamdan irəli gələn məsələləri həll etmək tapşırılıb.

Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməlidir.

Orphus sistemi