​Müsavat Partiyasının Məclis sədri məlum olub

Bakı. 27 dekabr. REPORT.AZ/ Bu gün Müsavat Partiyasının Məclis sədrliyinə, Məclisinə, Divanına, Mərkəzi Nəzarət-Təftiş Komissiyasının boş qalan yerlərinə seçkilər keçirilib.

"Report"un məlumatına görə, seçkidə alternativsiz namizəd partiya başqanının müavini Nüşabə Sadıxlı Müsavat Partiyası Məclisinin sədri, Rauf Ağa isə katibi seçilib. 

Bundan başqa, Alya Yaqublu, Başxanım Abbaslı, Gülağa Aslanlı və Səxavət Soltanlı partiya Divanına üzv seçiliblər. 

MNTK üzvlüyünə namizədliklərini irəli sürmüş 4 nəfər kvorum olmadığından üzv seçilə bilməyiblər. 

Məclis üzvlüyünə isə cəmi 6 nəfər seçilib. Hazırda Məclisdə 26 yer boş qalıb.