Özəl təhsil müəssisələrinin akkreditasiyadan keçirilməsi üçün nəzərdə tutulan rüsumlar təsdiqlənib - SİYAHI

Daxili siyasət

24 iyul, 2019
13:36

Özəl təhsil müəssisələrinin akkreditasiyadan keçirilməsi üçün nəzərdə tutulan rüsumlar təsdiqlənib - SİYAHI

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Azərbaycan Prezidenti İlham Əliyev “Dövlət rüsumu haqqında” qanunda dəyişiklik edilməsi barədə qanunu imzalayıb.

“Report” xəbər verir ki, bu dəyişiklik özəl təhsil müəssisələrinin akkreditasiyadan keçirilməsi üçün rüsumları nəzərdə tutur.

Qanuna əlavə edilən edilən 32-1 maddəsinə əsasən, akkreditasiyadan keçmək üçün məktəbəqədər təhsil müəssisələri 2 000 manat, ümumtəhsil müəssisələri 5 000 manat, məktəbdənkənar təhsil müəssisələri 5 000 manat, peşə təhsili müəssisələri 10 000 manat, orta ixtisas təhsili müəssisələri 12 000 manat, ali təhsil müəssisələri 20 000 manat, əlavə təhsil müəssisələri 12 000 manat, təhsil fəaliyyətini həyata keçirən digər müəssisələr də 12 000 manat dövlət rüsumu ödəməlidir.

Dövlət rüsumu tutulmalı olan hərəkətlər	Dövlət rüsumunun məbləği
32-1.1. məktəbəqədər təhsil müəssisələri	2000 manat
32-1.2. ümumi təhsil müəssisələri	5000 manat
32-1.3. məktəbdənkənar təhsil müəssisələri	5000 manat
32-1.4. peşə təhsili müəssisələri	10000 manat
32-1.5. orta ixtisas təhsili müəssisələri	12000 manat
32-1.6. ali təhsil müəssisələri	20000 manat
32-1.7. əlavə təhsil müəssisələri	12000 manat
32-1.8. təhsil fəaliyyətini həyata keçirən digər müəssisələr	12000 manat