Nazirlər Kabinetində yeni təyinatlar olub

Nazirlər Kabinetinin (NK) Aparatında yeni təyinatlar olub.

"Report"un xəbərinə görə, NK Aparatının Tikinti, şəhərsalma və kommunal təsərrüfat şöbəsinin müdiri vəzifəsinə Feyruz Mustafayev təyin edilib.

Baş Nazir Əli Əsədovun digər sərəncamı ilə Fəxri İsmayılov Baş Nazirin köməkçisi təyin olunub.

Qeyd edək ki, Fəxri Yaşar oğlu İsmayılov bu təyinata qədər Azərbaycan Respublikası Mərkəzi Bankının Statistika Departamentinin direktoru vəzifəsində çalışıb.